Kabhie kahin koi din aisa aaye
Ki saanse chalti rahein aur waqt ruk jaaye

Kabhie kahin koi sagar kinare,
Pani behta rahein aur lehrein sookh jaaye

Ek aisi bhi kabhie shaam aaye
Jab suraj na doobe or chaand nikal aaye

Kabhie mujhe bhi kisise pyar ho
Aur meri deewangi mohobbat ki misaal ban jaaye

Kabhie kahin kisiko mein dekhti rahoon
Aur uski gehri aankho mein mera dil doob jaaye

Aur koi din chaahe aaye na aaye,
Bus ek aisa khoobsurat din zarur aaye
Jisme phulon ki mehek ho, Dharti ki goad ho,
Panchhiyo ki chehk ho, Taaron ki khoj ho,
Aur aahista se ye tann mann mere kudrat mein mil jaaye!