ZINDAGIDilnashin zindagi, dilrubaa zindagi…
Bemurawat bhari, bewafaa zindagi…
Maine socha bahut fir bhi samjha nahin…
Maut se yeh tera silsila zindagi…
Aaj ki raat to jashn ki raat hai…
Khilkhila muskara gunguna zindagi…
Nafratein dushmani sarhadein dooriyan…
Aisi baaton mein rakhha hai kya zindagi…
Haath tera jo chootha to sab choot gaya…
Mujhse cheenegi ab aur kya zindagi…
Gum hi jinka mukaddar hai un ke liye…
Maun se bhi badi bad-dua zindagi…
Yeh kahin to hai khushiyon ki barsaat si…
Hai kahin dard ki intahan zindagi…
No comments:
Post a Comment